Seite 15 - Valser Geschichten

Basic HTML-Version

15
Schuona ds Schuol gganga) uf d Chällermuura gschonna het. Es hed
usgse wie es grosses Oug. Das Oug ischt de dr Muura na gganga, bis
dr Maana hinder de Hora verschwunda ischt. Und de ischt ou ds
Gschpenscht ewägg gsi.
Ds Gspenscht im Aberschhus
Im Aberschhus uuf ischt früener es aalts Ggääschi
4
va ma Hus gsch-
tanda. Jetz sind nu me zwei Stupli. In dem alta Hus ischt esia es
Gspenscht gsi. Äs ischt Tag und Nacht uf enera grossa Chischta volla
Mareging gchockt. We ma gchei Läptig abgla het, ischt als stilla bliba,
de das Gspenscht würd halt gschlafa hä. Hed aber äppa en
Guraschierta en Chugel zum Palggli e in de Chäller aab triba, de is de
erwachet. E Rummleta und e Poltereta ischt los gganga, wie wenn e
ganzi Hab Gspenschter verwached wära. Me het de luoga müessa,
dass me gschwint wit vam Hus ewäg gcho ischt. De hätti eim das
Gspenscht erwüscht, wä s gwüss schlimm ussa cho. Me het schi drum
albig hinder dem grossa Ggütscht versteckt, wa es Dingi näbed dem
Hus steit. Det ischt me sicher gsi, de das Gspenscht het nit witer ga
chönna, as bis zum Ggütsch.
D Fäärlisu im Peilertobel
Früener hent d Vleer fascht gchei Durst gchä. Das het de ou schina
guota Grund gchä. De, wenn de eina am spata Aabed vam Döörfli uf
Vlee ichi, hei zuo het wella, und är es dingi umma gschwankt ischt, s
ne an alli Züü zuo zoga het, het das esia böschi Folga gchä. Ischt de
är um die zwölfi umma bsoffna uber d Peilerbrügga ichi, ischt en
Fäärlisu mit e Schuppa Fäärli vom Peilertobel acha cho. Die chliina
Fäärli hent probiert dem Mannli zwüsched de Beina dür z schlüfa.
Ischt ne de das gchrata, het das arm Mannli as es Fäärli mit de andera
in ds Peilertobel uoi müessa.
D Vleer sind de mit dr Zit ou e bitz gschiider cho. «En Würtschaft
muoss hära», hed eine de ggrüepft, und mit dr Fuscht uf de Tisch