Seite 29 - Valser Geschichten

Basic HTML-Version

29
chrank Zaand gchrat fürra schrissa. Ich hän an dem Bschluss kchei
grossi Freud gchä. Lieber no en Chnopflich in ds Mul und e dicka
Schafwolla-Strumpf uf d Pagga, de wärdis woll äppa besser cho,
hänni gchofft. Wa mier d Muotter de gseit het, sogar dr Pfarrer sig bi
dem Zaanarzt gsi und ou no rächt zfrida gsi mid em, hän ich de an
schiini Chünscht glaubt.
«Janu, de würd i halt gaa». Esoo bin i na dr Schuol statt ge z
Zümmas ässa, zum Zaanarzt. Wie de dr Vatter und ich in d Stuba
i cho sind, hed er ünsch fründlich begrüezt. Hed dr Schick vam
Mul fürra in de Spucknapf gspüwt und dem Chranka gschwint es
Stüeli e mitsch in d Stuba gstellt und ich hän törfa druuf hocka.
Dernaa hed er us schim Buffetchaschtli nöwa es Instrument füra
gno. Das hed usgsee wie en Zapii, nu hed er dr Haagga uf dr Sita
gchä. Dr Dokter hed de agfanga Watta um de Zapiischtel um z
wälla. Är het gmeint es tüeg de weniger wee. Druufaab chunt schi-
ni Frou zur Stubatür iecha. In dr Hand hed sch e Wäschschüssla
mit Lysolwasser treit, stellt sche uf de Stubatisch und het das
Buopli e bitz kcharjos aggluogt, schi het denki Erbarma gchä mit
dem aarma Buopli. Dr Dokter het de schini Händ im Lysolwasser
gwäscha und sche dernaa mit em a suubera, wissa Tröchner fiirlich
aabtröchnet. Hinna uf em Kanapee het dia ganz Zit es schwarzes
Mannli gnäpst. Uf eimal chunt das Mannli zwägg, steit uf, leit
schini Pfiifa in de Sack und chunt uf das Stüeli mit dem Buopli zuo.
Dr Dokter leit schins Brilli uuf und tuot usem a Ggötterli e bitz
Wachholdergeischt uf de Zapiischtell schütta. Das sig zum
abtööta, hed er gmeint.
Dr schwarz Kchärli nimmt mina Chopf zwüsched schini Pratza,
gchrat wie im a Schtrubstock is mer gsi. De hän i müessa ds Mul
uufsperra. Dr Dokter luogt es Wiili e und faart mit schim Zapii uf
de chrank Zaand zuo. Es hed e tonderlicha Zwik gä, e Schrei und
dr Zaand ischt fürra gsi. Zum Gfell hed er dr richtiga erwüscht.
Ich hän de no es paar Mal ds Bluot in d Lysolschüssla spüwa mües-
sa. Dernaa bin ich ggära uufgschtanda und hei gschtibelet. Dr
Vatter het no zalt, zwee Frangga hed s gchoschtat und de ischt er
ou naa cho. Daheima hed s es feins Türggamuos ds Zümmas gä,
mit Nidla derzuo. Das hänn i gwüss ou verdient.