Seite 31 - Valser Geschichten

Basic HTML-Version

31
Es hed emaal eina
Es hed eina emaal gganeerat: «Ich nima nie äppas z trinka mit uf d
Jagd, ich trinka albig Gemschbluot». Är het vel Durscht liida müessa,
de är ischt e schlächta Jeger gsi.
Dr gglicha hed es Taggsch bhouptet: «Ich hän e ziera Bock gschos-
sa. Wan i hän wella luoga, wa dr Bock dr Schuss berchó het, hän i gar
nüt gsee. Ich hän de duo e bitz besser ggluogt und duo gseen i, das d
Chuggla zum Mul i und hinna fürra ischt.»
Und discha het
emaal gäg em Märza ei en läära Fleischspiicher gchä. Es ischt das bi
ünsch nüt bsundersch gsi. Är ischt de duo uf de Tomülboda uuf ge es
Murmetli graba. Är het das aarm Tierli nit wecka wella und het s de
in d Tschifera i taa und mid ema Sack zuo deckt, dass nit chalt ber-
chó het. Wia de är mit schier Tschifera und dem Murmetli bim
Furrahus uber ds Müreli acha cho ischt, ischt das tonders Tierli ver-
wachet und hed agfanga pfiifa. D Lüt uf dr Furra uoi hent duo scho
gwissa, was in dr Tschifera i ischt, schi sind aber nu wäged dem nit
zum Landjäger glüffa.
Vam Ofa acha ghüratet
Und de hed ds Trini verzellt:
Es Taggsch ischt vom Zümmesässa es ziers Brochi übrig pliba. Ds
Nuschi die zweitältischta Schweschter va ünsch füüfa, het das Fleisch
im Napf uf de warma Ofa taa, de äs hed s wella z Maränd ässa. Duo
chunnt die tschägget Chaza zum Läufterli iecha in d Stuba, het das
Fleisch gschmeckt, ischt in zwee Sätza uf da Ofa uuf gjuckt und hin-
der em Vorhängli verschwunda.
«Der vernaalisch Balgg, das gschäntet mer mis Fleisch», het ds
Nuschi gläpptigat und ischt dr Chatza naa, uf de Ofa uuf gstürmet.
Das Minzi het ds Fleisch scho im Muul gchä und het schi in schim