Seite 52 - Valser Geschichten

Basic HTML-Version

52
Dr Tschänni het ou es ziers Hapli Vee gchä, es Schuppli Schaaf und
e par Geiss. Im Chäller aab hed er en Turra Chääs, Schmalz und Ziger
gchä, fascht uf bis an d Tilli a.
Dass me dr Tschänni em Doorf ussa fast nie gsee het, het de gar nit
allna Lüta gfalla. Gäb was de dr Tschänni als esoo triiba tuot in schi-
im Fatt ichi, hent sch zunenand gseit und ds Mul uber na zerschrissa.
Bsundersch esoo e par Bättschwestera hent schi druber uufgglaa. «Eso
en Heid, wa nie am Sunntig z Chilcha geid ischt e Schand für die ganz
Gmeind. Es Taggsch holt ne no der Tüüfel und de bringt s de ds ganz
Tälli in Verruof, nüt als schämma muoss me schi für der leid Kchärli.
Dr Vorstand muoss da igrifa, de für was het me de ou en Vorstand».
Esoo hent sch im Döörfli uma gschmuljet.
Schi hent esoo lang uma gmüület, bis de dr Vorstand es Abedsch na
em Hirta zäma cho ischt und schi berata het. Schi sind schi duo rätig
cho, schi wella emaal dem
Kchärli im Fatt ichi gchörig in
s Gwissa reda, wenn är uber-
haupt eis heigi, und wenn
är nit friwellig am
Sunntig z Chilcha
welli, sowärden