Seite 8 - Valser Geschichten

Basic HTML-Version

8
Vom Sehen
Es het bi ünsch e Frau ggläbt, dia het mee gsee, as es gwönlichs Lüttli.
Wenn de äppert gstoorba ischt, de het schi chönna säga, ob dia arm
Seel in de Himmel cho ischt oder nit.
Ds zweit Gsecht
Uf Fleis uuf hed eina ggläbt. Der het allimal vorus gwessa, wenn äpper
stärba hed müessa. Wenn är am Morget früe ge hirta gganga ischt, het
är va witem dia Lüt gsee, wa bald hent stärba müessa.
Emal ischt är va hirta obna acha cho uf Fleis und seit zu schina
Nachpuura:«Jetz häni eui Schwester gsee, dia würd bald stärba mües-
sa.» Diesäb ischt aber duo no gsundi und gspeerti gsi. Aber am andera
Tagg isch in de Wald uber ge Holz zämma läsa. Duo isch under e
Stock under cho und ischt gstorba.
Vam grossa Stärba
Es hed emal eina, wa gchrat näbem Friedhof
gwoont het, in dr Nacht ds Misereri singa
gchöört. Duo ischt är gschwennt
uufgschtanda und hed d Hosa aleg-
ga wella. Wie är afanga mit eim Bei
in de Hosa e gsi ischt, ischt er zum
Pfänster glöffa und hed e lengi
Prozession zum Friedhof ga gsee. E
Schoppa vo denna Verstorbena Lüt hed är
no gchennt, die sind alli an dr Pescht gstor-
ba. Dr letschta in dr Prozession ischt nu mit
eim Bei in de Hosa e gsi. Das ischt är sälber
gsi. In e paar Taga druf ischt är an dr Pescht
gstorba.